z. Isak Skenderi është Drejtor Ekzekutiv dhe njëri nga themeluesit e organizatës “Zëri i Romëve, Ashkalive dhe Egjiptianëve. Z. Skenderi ka mbaruar arsimin e mesëm në Shkollën e mesme të Ekonomisë në Prishtinë, ndërsa studimet universitare i përfundoi në Fakultetin Ekonomik, në degën “Menaxhment dhe Ndërmarrësi”. Ai studioi po ashtu “Gjuhë Angleze dhe Letërsi” në Shkollën Cambridge të gjuhëve të huaja në Prishtinë. Para se të themeloj “OJQ Voice of Roma, Ashkali and Egyptians:”, nga viti 2002 deri në vitin 2011-të ai ka qenë i angazhuar si përkthyes, duke punuar për agjenci të ndryshme vendore dhe ndërkombëtare, të tilla si: “Institucioni i Avokatit të Popullit në Kosovë”, “KFOR” dhe “Misioni i BE-së për Sundimin e Ligjit në Kosovë”. Pasioni i tij rreth drejtësisë shoqërore dhe barazisë, dëshira për të kontribuar drejt një shoqërie multietnike dhe demokratike dhe i motivuar me pozicionin e mjerueshëm dhe të margjinalizuar të komuniteteve, bëri që ai të themeloi “OJQ VoRAE”.

Isak Skenderi

Vesa Batalli është Menaxhere e Programeve në Organizatën “Voice of Roma, Ashkali and Egyptians”. Roli i saj në Organizatën është të avokojë për ofrimin e mundësive të barabarta të të rinjëve të komuniteteve në punësim, përgaditjen e kuadrit për tregun e punës si dhe të luftoj antigjipsizmin. Ajo është përgjegjëse për monitorimin dhe implementimin e programeve të organizatës si dhe komunikimin me donatorë dhe institucione publike. Vesa është aktiviste e cila ngritë zërin e saj për respektimin e të drejtave të njeriut me fokus të veçantë në integrimin e komuniteteve Romë, Ashkali dhe Egjiptian në shoqerinë kosovare. Ajo ka përfunduar studimet në Universitetin Amerikan në Kosovë- Menaxhment dhe Politika Publike.

Vesa Batalli

Orhan Butic është Menaxher për arsim në OJQ “Voice of Roma, Ashkali and Egyptians” dhe është një prej punëtorëve të parë të organizatës. Orhani menaxhon departamentin e arsimit në të cilin planifikon strategji dhe objektiva për t'u realizuar, pastaj përcakton një strukturë organizative që mund të sigurojë arritjen e atyre qëllimeve. Ai përzgjedh stafin me të cilin do të punojë për të përmbushur detyrat e planifikuara dhe menaxhon procesin e përgjithshëm të programi. Orhani kontrollon çdo aspekt të planit të veprimtarisë në mënyrë që të realizojë me sukses qëllimet e Organizatës në kushtet aktuale dhe me burimet e disponueshme. Ai prezanton organizatën në nivel kombëtar dhe ndërkombëtar, po ashtu shkruan projekte të reja duke krijuar strategji dhe zbatim të modeleve për përfshirjen e fëmijëve në arsimin e rregullt dhe ngritjen e cilësisë së arsimit me fokus të veçantë tek komunitetët Romë, Ashkali dhe Egjiptian në Kosovë. Para se të punonte në OJQ, Orhani ka punuar për 5 vite në Departamentin e Arsimit në OJQ-në Balkan Sunflowers si një edukator për arsimin fillor. Orhani përfunduar Fakultetin: Doganë dhe Shpedicion në Kolegjin "Pjeter Budi" në Prishtinë.

Orhan Butic

Violeta Thaci është Zyrtare e lartë e Programit të Banimit në Organizaten “Voice of Roma, Ashkali and Egyptians”. Me profesion është arkitekte, dhe roli i saj në OJQ është të hartoj dhe përcjellë implementimin e susksseshëm të aktivitetet që kanë të bëjnë me fushën e banimit. Përveq këtyre aktiviteteve, fokusi i punës së saj është edhe avokim me nivelin lokal dhe qendror për të bërë subvencionimin e programeve për përmirsimin e kushteve të banimit për grupet e margjinalizuara, sidomos të këtyre tri komuniteteve që jetojnë në kushte të vështira. Në organizatë është bashkangjitur që nga viti 2013, ku së bashku me stafin e departamentit të banimit e kanë implementuar me sukses projektin për përmirsimin e kushteve të banimit të komuniteteve; Rom, Ashkali dhe Egjiptian si dhe grupeve të tjera të margjinalizuara që jetojnë në Kosovë. Para se të ishte pjesë e organizates, Violeta ka punuar si mësimdhënëse në drejtimin e arkitektures dhe ndertimtarisë së lartë në shkollen e mesme teknike “28 Nëntori’’ në Prishtinë, po ashtu në kompaninë Lesna si dhe 8 vite në OJQ “Women for Women International”

Violeta Thaçi

Valbona Nuredini është një profesioniste e aftë në fushën e financave dhe administratës, me një edukim solid dhe përvojë të pasur. Ajo ka diplomuar në Banka, Financa dhe Kontabilitet në Universitetin "Iliria" në Prishtinë dhe po ndjek studimet në Departamentin e Gjuhës Angleze në Universitetin e Prishtinës, ndërsa është gjithashtu në proces të certifikimit nga SCAAK. Aktualisht, Valbona mban pozitën e Menaxheres së Financave në organizatën "Voice of Roma, Ashkali, and Egyptians", ku udhëheq me strategji financiare, raporte analitike dhe përputhshmëri ligjore. Më parë, ajo ka shërbyer si Zyrtare e Financave në Rrjetin e Grave të Kosovës dhe si Zyrtare Administrative dhe Financiare në projekte të mbështetura nga USAID në CEED Kosovo, duke koordinuar projekte të rëndësishme dhe financa komplekse. Valbona zotëron aftësi të avancuara në përdorimin e mjeteve financiare dhe programeve teknologjike si QuickBooks dhe Sun System, si dhe njohuri në menaxhimin e burimeve njerëzore dhe përgatitjen e raporteve për donatorët ndërkombëtarë. Ajo flet rrjedhshëm shqip, anglisht dhe serbo-kroatisht.

Valbona Nuredini

Altina Gazaferi Paqarizi

Kiki Rrahmani është Zyrtare Për Media dhe Komunikim me Publik, në Organizatën “Voice of Roma, Ashkali and Egyptians” (VoRAE). Roli i saj në Organizaten VoRAE është të hartoj dhe zbatoj planin e komunikimit, të përgatis kumtesa, informata nga tereni, storie suksesi dhe publikime të tjera për publikun. Kiki përcjellë takimet, seminaret, konferencat e ndryshme që organizon organizata në kuadër të aktiviteteve të cilat implementohen për programet: Punësim, Banim, Edukim, Të drejtat e njeriut dhe Antigjipsizëm. Ajo po ashtu ka lidhje të mira shoqërore me media dhe organizata të tjera të ngjashme. Kiki është e specializuar në këtë fushë pasi ka përvojë pune mbi 10 vite në këtë lëmi. Para se të ishte pjesë e Organizatës VoRAE, Kiki ka punuar në projekte shumë të suksesshme të cilat ndërlidhen me sensibilizimin e qytetarëve dhe jetën sociale në Kosovë. Ndër projektet më të suksesshme të cilat i ka ideuar dhe realizuar kanë qenë emisioni “LEMzA” dhe “TALK”. Kiki ka të përfunduar Fakultetin Ekonomik- Ba&Msc “Banka Financa dhe Kontabilitet” në UP poashtu “Akademinë e Arteve të Bukura” në ciklin e ulët në Prishtinë.

Kiki Rrahmani

Njomza Uka Selimi është Zyrtare e lartë e Punësimit në OJQ Zëri i Romëve Ashkali dhe Egjiptian. Roli i saj është të ndërtojë dhe të mbajë marrëdhënie të mira bashkëpunimi me partnerët e projektit dhe të identifikikojë të rinjë të këtyre komuniteteve që kërkojnë punë. Ajo merret me organizmin e takimeve dhe aktiviteteve që lidhen me përmirësimin e shkallës së papunësisë të të rinjve të komuniteteve Romë, Ashkali, dhe Egjiptian në Kosovë. Njomza gjithashtu është vazhdimisht në kontakt me përfaqësuesit e institucioneve dhe akterët e tjerë të rëndësishëm për të avokuar për këto tri komunitete. Gjithashtu, ajo asiston të rinjët për pjesëmarrje në trajnimet profesionale dhe organizon aktivite të ndryshme sociale si Festivali Multikulturorë dhe kampet për të rinjtë, etj. Para se të hynte në OJQ, ajo ka punuar në Shoqatën e TIK-ut në Kosovë- STIKK si Menaxhere e Projekteve dhe Koordinatore e Anëtarësisë për më shumë se 7 vjet.

Njomza Uka Selimi

Amanda, punon në pozitën e Zyrtare e Punësimit, në organizatë. Roli i saj në OJQ është të siguroj mundësi të barabarta në punësim, ndërmjetësim dhe punë praktike të rinjëve nga komunitetet Amanda merret me aftësimin e kuadrove të komuniteteve se si duhet të përgatitet një CV, letrë motivuese, se si duhet të sillen në një intervistë pune, dhe si të aplikojnë për punë praktike. Ajo po ashtu merret me avokim dhe ndërmjetësim për punësim të rregullt, bënë organizimin e kampeve verore dhe aktiviteteve të tjera për të rinjët e komuniteteve etnike të margjinalizuara. Përndryshe, Amanda Toska ka të përfunduar shkollimin Master - Menaxhim Sektorial në Kolegjin AAB dega Ekonomik si dhe dy fakultete tjera në Universitetin e Prishtinës dhe Universitetin Haxhi Zeka në drejtimet Administrat Publike dhe Edukim / Programi Fillor.

Amanda Toska

Senad Ibishi është zyrtar i lartë i Antigjipsizmit në OJQ-në Voice of Roma, Ashkali and Egyptians,. Roli i tij në OJQ është të siguroj mundësi të barabarta në punësim, ndërmjetësim dhe punë praktike të rinjëve nga komunitetet Romë, Ashkali dhe Egjiptian. Senadi merret me aftësimin e kuadrove të komuniteteve se si duhet të përgatitet një CV, letrës motivuese, se si duhet të sillen në një intervistë pune, dhe si të aplikojnë për punë praktike. Ai po ashtu merret me avokim dhe ndërmjetësim për punësim të rregulltë, bënë organizimin e kampeve verore dhe aktiviteteve të tjera për të rinjët e komuniteteve RAE. Senadi ka përfunduar studimet bachelor në Kolegjin AAB- Administratë Publike, Shkenca Politike dhe Diplomaci dhe vazhdon studimet Msc në të njëjtin drejtim.

Senad Ibishi

Bajram Ilazi është zyrtar për arsim në OJQ “Zëri i Romëve, Ashkalive dhe Egjiptianëve". Roli i tij është menaxhimi dhe organizimi i punës dhe aktiviteteve në qendrat për mësim shtesë duke u përpjekur së bashku me Drejtorit Komunale të Arsimit të kontribuojë në parandalimin e braktisjes së shkollës, përmisimin e vijueshmërisë në mësim, si dhe në ngritjen e cilësisës e mësimnxënjes në mënyrë që të ngritet suksesi dhe përfshirja e fëmijëve të komuniteteve ashkali, egjiptian dhe rom në shkollimin obligativë, të mesëm të lartë dhe universitarë. Bajrami po ashtu ka më shume se 8 vite përvojë pune si aktivistë në sektorin jo-fitimprurës, duke punuar në OJQ të ndryshme dhe menaxhuar projekte të ndryshme. Ai është duke studiuar Ekonomi në drejtimin Menaxhment dhe Informatik, dhe ka ndjekur trajnime të shumta për arsimimin dhe të drejtat e njeriut. Thënja e preferuar e tij është: “Më akuzojnë se flasë shumë, por harrojnë se flas për komunitetin tim”

Bajram Ilazi

Fortesa Shasivari, ka përfunduar shkollën e mesme në Gjimnazin Filologjik “Eqrem Qabej” në Prishtinë, ndërsa studimet e larta i ka vazhduar në Universitetin e Prishtinës, Fakultetin e Filologjisë, dega e Gazetarisë, ndërsa ato master në Kolegjin AAB, drejtimi Administrat Publike-Diplomaci. Për disa vite ka punur si gazetare, në disa media online, ku ka përcjellë zhvillimet politike në vend dhe sektorin e arsimit, Fortesa ka përvoj pune edhe në institucionet publike në vend, ka punuar si Asistente Ekzekutive në Ministrinë e Arsimit, Shkencës dhe Teknologjisë , në Ministrin e Diasporës dhe Investimeve Strategjike si zyrtare për media dhe në Ministrin e Integrimeve dhe atë të punëve të brendshme ka ndjekur praktikën për zëdhënse për media dhe administrat. Fortesa punën në organizatë e ka filluar në muajin dhjetor të vitit 2022, ajo është zyrtare e programit në sektorin e edukimit.

Fortesa Shasivari

Sunaj Garipi është Zyrtar i Programit të Edukimit. Ai iu bashkua OJQ-së "Zëri i Romëve, Ashkalinjve dhe Egjiptianëve" në vitin 2022. Që nga viti 2013, Sunaji ka punuar në organizatë si tutor në qendrën për mësim shtesë, ku ka fituar përvojë në punën me fëmijë, dhe tani atë përvojë po e bartë tek mentorët e tjerë që punojnë me fëmijët nga komuniteti rom, ashkali dhe egjiptian. Detyra e tij kryesore është të monitorojë punën e mentorëve në shkollat e mesme. Qëllimi kryesor është përmirësimi i gjendjes së nxënësve nga komuniteti rom, ashkali dhe egjiptian në shkollat e mesme dhe motivimi i tyre për të vazhduar arsimin e lartë. Sunaji shkollimin e mesëm e kreu në shkollën ekonomike në Lapllasellë, ndërsa studimet i vazhdoi në Prishtinë në Universitetin “Universum” – Administratë Publike.

Sunaj Garipi

Denis Avdi është zyrtar për edukim në OJQ “Zëri i Romëve, Ashkalinjve dhe Egjiptianëve”. Roli i tij është të mobilizojë dhe organizojë punë dhe aktivitete për vullnetarët dhe t’i parandaloj braktisjet e vajzave nga shkolla. Denisi punon vazhdimisht që të ngrisë po ashtu vetëdijesimin e komuniteteve të margjinalizuara për rëndësinë e shkollimit, të ndryshojë mendësinë e tyre dhe të sjell të rinjë të sukseshëm dhe konkurrues në fusha të ndryshme. Ai konsideron që angazhimi më i rëndësishëm për të ka qenë vullneti i mirë për të bërë punë vullnetare. Sot ai është absolvent i nivelit Master në Universitetin e Prishtinës në departamentin “Shkenca Politike, Marrëdhënie Ndërkombëtare dhe Diplomaci” dhe sipas tij studimet për të nuk do të ndalen asnjëherë sepse jeta është ajo që i jep njohuri të një pas njëshme.

Denis Avdi

Me një karrierë të shquar që shtrihet mbi dy dekada, Ramiz Bici ka zhvilluar ekspertizë në këshillim ligjor, menaxhim projektesh dhe iniciativa me ndikim social. Si jurist i diplomuar nga Universiteti i Prishtinës, ai ka udhëhequr dhe kontribuar në projekte të rëndësishme që përqendrohen në banim, menaxhim të mbeturinave dhe mbrojtje mjedisore në Kosovë. Roli dhe Përgjegjësitë Kryesore: Zyrtar i Programit të Banimit në organizatë për të përmirësuar kushtet e jetesës për komunitetet e margjinalizuara, Konsulent Ligjor, Menaxher Projektesh, dhe Ekspert Social për vlerësimin e ndikimeve ekonomike dhe sociale të projekteve infrastrukturore, përfshirë trajtimin e ujërave të zeza dhe planifikimin urban. Aftësi dhe Arritje: aftësi të shkëlqyera organizative dhe drejtuese, duke udhëhequr ekipe multidisiplinare drejt suksesit, ekspert në këshillim ligjor, duke siguruar përputhshmëri me standardet kombëtare dhe ndërkombëtare. Ramizi është një profesionist i përkushtuar, i angazhuar në përparimin dhe përmirësimin e standardeve të jetesës përmes qasjeve inovative dhe të orientuara drejt komuniteteve.

Ramiz Bici

Ramadush Limani

Nurie Sharku i është bashkuar organizatës nga viti 2016. Ajo është e angazhuar si mirëmbajtëse e cila përkujdeset për mirëmbajten objekit të organizatës.

Nurie Sharku